Haur eta nerabe psikologia
Kulunkan Psikologian haur eta nerabeekin lan egiten dugu Jolas Terapiaren espezializaziotik. Normalean, haurrekin lan egiterako orduan berezko eredu bat eskaintzen duen kalitatezko prestakuntza espezifikorik gabe egiten da.
Horregatik erabiltzen dugu, batez ere, jolas-terapia haiekin lan egiteko. Haurtzarorako berariaz sortutako eredua da, eta ez helduentzat sortutako eredu terapeutikoen egokitzapen soila.
Haur bat garapen-prozesuan dago, eta jolasa prozesu horretan guztian zehar lagun izango duen zerbait da, bere komunikazio era nagusia bilakatuz horretarako espazioa eskaintzen badiogu, bederen. Jolas-terapia eredu terapeutiko bat da jolasa adierazpen eta harreman-bide gisa erabiltzen duena, eta haurrari aukera ematen diona barne-gatazkak lantzeko eta errespetuzko laguntza zintzo baten bidez osatzeko.
